ఏమి హాయి ఏమి హాయి
ఏమి హాయి ఏమి హాయి
మరణభయము మాపగలుగు
మార్గ మెరుగలేని వేళ
అభయమిచ్చు ప్రభుడు గురుడు
అరువు తెంచి తెరువు చూప
ఏమి హాయి ఏమి హాయి
కుమతి లోకుల కూటమి నందు
చింతలెన్నో చెంది చెంది
బ్రహ్మవిదుల సంఘమునందు
పరమతత్త్వము నెరుగువేళ
ఏమి హాయి ఏమి హాయి
దేహమందు మోహమంది
శాంతి విడిన సమయమందు
దేహమందు మోహమంది
శాంతి విడిన సమయమందు
తనువు నేను కాదనుచును
తరచి తరచి చూచినంత
ఏమి హాయి ఏమి హాయి
దృశ్యమందు ద్వేషరాగ
భయములందు సమయమందు
చూడబడెడి భేదమంతా
శూన్యమనుచు తెలిసినంతా
ఏమి హాయి ఏమి హాయి
నీదినాదను భేద దృష్టిచే
బాధలెన్నో పొంది పొంది
అదియు ఇదియు నేనే యనుచు
తుదకు తెలిసినట్టివేళ
ఏమి హాయి ఏమి హాయి
జనన మరణ చక్రమునందు
తెంపులేక తిరిగి తిరిగి
చివరిజన్మము ఇదియె అనుచు
స్వానుభవము కలిగినంత
చివరిజన్మ మిదియె అనుచు
స్వానుభవము కలిగినంత
ఏమి హాయి ఏమి హాయి
ఏమి హాయి ఏమి హాయి