ఊరకుంటే సుఖము వుంటే
ఊరకుంటే సుఖము వుంటే
కోరి కర్మల ఉచ్చులందు చేరనేల?
మనసా! దుఃఖమందు దూరనేల?
మనసా! దుఃఖమందు దూరనేల?
అచలముగా తాను వుంటే
అవధిలేని సుఖము వుంటే
అచలముగా తాను వుంటే
అవధిలేని సుఖము వుంటే
అవధిలేని సుఖము నందు
హాయిగాను నిలిచి పోక
సతత మేదో చేయగాను
సతమతంబై పోవనేల?
మనసా! దుఃఖమందు దూరనేల
ఊరకుంటే సుఖము వుంటే
కోరి కర్మల ఉచ్చులందు చేరనేల?
కోరికేదో రేగినంత
తీరు వరకు తాపమేనూ !
కోరికేదో రేగినంత
తీరు వరకు తాపమేనూ !
తీరినంత కలుగును హాయి
వేరుకాదు తనదు సుఖమే
ఇచ్ఛలే మరి లేకపోతే...
ఇచ్ఛలే మరి లేకపోతే
ఎల్ల వేళల సుఖమే కాదా?
మనసా! ఎల్ల వేళల సుఖమే కాదా?
ఊరకుంటే సుఖము వుంటే...
తోచునట్టివాని వలన
చూచువానికి హాని లేదు
చూడ చూడగ దృశ్యంబంతా
శూన్యమే అయిపోవదా
చూడ చూడగ దృశ్యంబంతా
శూన్యమే అయిపోవదా
కాంచు వానిగా నిలిచి వుంటే
కాంచు వానిగా నిలిచి వుంటే
కల్ల జగమేమైతే నేమీ?
ఊరకుంటే, సుఖము వుంటే..
ఈశ్వరుని లీల చేత
విశ్వమంతా నడచుచుంటే
ఈశ్వరుని లీల చేత
విశ్వమంతా నడచుచుంటే
కర్తనేనని భ్రమనుచెంది
కష్టములలో చిక్కనేల?
చేయువాడవు కాకపోతే...
చేయువాడవు కాకపోతే
చేయుబాధ్యత మోయనేల?
చేయువాడవు కాకపోతే
చేయుబాధ్యత మోయనేల?
మనసా! దుఃఖమందు దూరనేల?
అడవి వంటి శాస్త్రములలో
అంతులేని సాధనలతో...
అడవి వంటి శాస్త్రములలో
అంతులేని సాధనలతో
ఏదో నేర్చి, ఏదో చేసి
ఎన్నడింక సుఖియించెదవు?
ఏదో నేర్చి, ఏదో చేసి
ఎన్నడింక సుఖియించెదవు?
సుఖతరంబు ఈ విహంగ మార్గము
సుఖతరంబు ఈ విహంగ మార్గము
సులభము కాదా గురుదాసులకు
ఊరకుంటే సుఖము వుంటే
కోరి కర్మల ఉచ్చులందు చేరనేల
మనసా! దుఃఖమందు దూరనేల?
ఊరకుంటే సుఖము వుంటే
కోరి కర్మల ఉచ్చులందు చేరనేల?
