12. అసంగోహం అసంగోహం

అసంగోహం అసంగోహం అసంగోహం పునః పునః

కోటి జీవులు కోటి వస్తువులు

కోటి ఘటనలు కోటి భ్రమలు

కల యందున వలె కదలుచుండగ

కదల కుండగ కాంచు సాక్షి 

||అసంగోహం ||

కోటి ఊహలు కోటి చింతలు

కోటి ఇంద్రియ జ్ఞానములు

చిత్తమందున చెలగి అణగుచు

శూన్యమగుటను చూచు సాక్షి

||అసంగోహం ||

కోటి బాధలు కోటి సుఖములు

కోటి కోటి వికారములు

ఎన్ని వచ్చిన ఎన్ని పోయిన

ఏమి మారక ఎరుగు సాక్షి

||అసంగోహం ||

క్షణము క్షణము గడచి పోవుచు

గతమునందున కలియు చుండగ

కాలమొక సంకల్పమాత్రమై

తరలి పోవగ కాంచు సాక్షి

||అసంగోహం ||

సకల భావనల సాక్షిగ చూచుచు,

సాక్షి భావనకును సాక్షిగ యగుచు

సాక్షిని నేనను సన్నని అహమిక

సమసిన ఉండెడి సాక్ష్యతీతము

అసంగోహం అసంగోహం అసంగోహం పునః పునః