నీలోన వెలుగు నాలోన వెలుగు
నిఖిలభూతములందు నిలుచు ఒక వెలుగు
నీలోన వెలుగు నాలోన వెలుగు
నిఖిలభూతములందు నిలుచు ఒక వెలుగు
అవని యందున వెలుగు ఆకసంబున వెలుగు
అఖిల జ్యోతులలో వెలుగు అంధకారమున వెలుగు
నీలోన వెలుగు నాలోన వెలుగు
జడము నందున వెలుగు చైతన్యమున వెలుగు
చలనమందున వెలుగు స్థావరంబుల వెలుగు
నీలోన వెలుగు నాలోన వెలుగు
అల్పమందున వెలుగు అధికమందున వెలుగు
అంతటా ఒక రీతి అంటిఅంటని వెలుగు
నీలోన వెలుగు
ముందు వెనుకల వెలుగు క్రింద మీదను వెలుగు
అంతరాయములేక అంతటా ఒక వెలుగు
నీ లోన వెలుగు నా లోన వెలుగు
సంకల్పమున వెలుగు సంధియందున వెలుగు
సుక్తి యందున వెలుగు శూన్యమందున వెలుగు
నీలోన వెలుగు
బ్రతుకునందున వెలుగు బాధలందున వెలుగు
మంచిచెడులను వెలుగు మరణమందున వెలుగు
నీలోన వెలుగు
భగవంతునిలో వెలుగు భక్తులందున వెలుగు
యెదలో నిండిన వెలుగు ఎన్నడారని వెలుగు
నీలోన వెలుగు నాలోన వెలుగు
నిఖిలభూతములందు నిలుచు ఒక వెలుగు
